Termocentrali i Çernobilit, vendi i fatkeqësisë më të madhe bërthamore në botë dhe rajoni verior i Pripyatit u morën nën kontroll nga forcat e Putinit brenda disa ditësh pas pasi nisën pushtimin e Ukrainës në shkurt.
Por pasi u vranë mijëra ushtarë gjatë javëve të luftimeve intensive, Moska urdhëroi tërheqjen e trupave në lindje, duke nxitur çlirimin e rajoneve anembanë Ukrainës.
Fotot nga brenda zonës famëkeqe të Përjashtimit të Çernobilit tregojnë tani vetëm shkatërrim, me ura të bombarduara dhe tanke të braktisura në shkretëtirën e frikshme.
Për të parën herë që kur iu hoq rusëve nga duart, ushtarët ukrainas janë fotografuar duke ecur nëpër Çernobil.
Pamjet e reja të dronëve gjithashtu duket se konfirmojnë raportimet se rusët gërmuan marrëzisht llogore në Pyllin e Kuq pranë uzinës së çmontuar.
Pylli mori disa nga dozat më të larta të rrezatimit kur reaktori shpërtheu në 1986, dhe ai është ende shumë radioaktiv 36 vjet më vonë.